Bu həftə Clopos platformasının son 2 illik abunəlik ödəniş məlumatlarına əsasən, Azərbaycanda 2500-dən çox restoran sahibkarının ödəniş vərdişləri üzə çıxıb. Məlumatı fintex sahəsində tanınan ekspert Murad Hasanov LinkedIn səhifəsində paylaşıb.
Üç bank – 80% bazar payı
Hasanovun qeyd etdiyinə görə, sorğu sadə bir sualla başlayıb: “2,500+ restoran sahibkarı bizə hansı banklardan ödəyir?” İlkin fərziyyə cavabın 5-6 bank arasında bərabər bölünəcəyi olsa da, real mənzərə fərqli olub. Üç bank – Kapital Bank, Unibank və ABB – bütün ödəniş kartlarının 80%-ni təşkil edir. Yəni hər 5 kartdan 4-ü bu üç banka məxsusdur. Qalan 16 bank isə cəmi 20%-i bölüşür.
Bu, Azərbaycanda restoran biznesi ilə məşğul olan sahibkarların bank seçiminin praktikada üç addan ibarət olduğunu göstərir. Məlumatlar bank sektoru üçün mühüm tendensiyanı ortaya qoyur: müştəri konsentrasiyası yüksəkdir və rəqabət məhdud sayda oyunçu arasında cərəyan edir.
Nəticələr və perspektivlər
Bu göstərici həm də eticaret və ödəniş sistemləri üçün vacib ipucudur. Restoran sektorunda bank kartı istifadəsinin bu qədər dar bir bazarda cəmləşməsi, yeni fintex həllərinin bazara girişini çətinləşdirə bilər. Eyni zamanda, dominant bankların xidmət keyfiyyətini artırması üçün təkan yaradır.
Murad Hasanovun tam təhlili və qrafik materialları LinkedIn profili üzərindən izlənilə bilər. Wecom.az olaraq bu kimi fintex yeniliklərini yaxından izləyirik.
Mənbə: linkedin.com
