Azərbaycanda elektron resept təqdim olunub

Səhiyyə Nazirliyinin “Səhiyyə sisteminin transformasiyası çərçivəsində əczaçılıq sektorunun rəqəmsallaşdırılması” layihəsinin təqdimat mərasində baş tutub.

Bildirilib ki, rəqəmsal səhiyyə ekosisteminin başlıca məqsədi vətəndaşlara keyfiyyətli, təhlükəsiz, etibarlı səhiyyə xidmətlərinə əlçatanlığın təmin edilməsidir. Rəqəmsal səhiyyənin inkişafı vətəndaşın sağlamlıq tarixçəsi ilə bağlı müfəssəl məlumatları, o cümlədən xəstəliklər və müasir müalicə üsullarını vahid rəqəmsal platforma üzərində birləşdirərək bütün tibb müəssisələri üçün onlayn formatda əlçatanlığı təmin edəcək.

Səhiyyə naziri Teymur Musayev çıxışında rəqəmsal texnologiyaların tibbi xidmət təminatçılarına və pasiyentlərə məlumatları əlçatan etməklə ortaq qərar verməkdə həkim-pasiyent münasibətlərini fərqli səviyyəyə qaldırdığını söyləyib: “2023-cü ildən səhiyyənin rəqəmsal transformasiyası layihəsi çərçivəsində Səhiyyə Nazirliyi tərəfindən “Elektron epikriz” informasiya sistemi tətbiq edilir. Elektron epikriz sistemi vətəndaşların xəstəlik tarixlərindən çıxarışların vahid reyestrinin yaradılmasını təmin etməklə fərdin sağlamlıq məlumatlarının axtarışına və standart formada sənədlərin hazırlanmasına imkan yaradıb”.

Onun sözlərinə görə, bu gün Səhiyyə Nazirliyinin hazırladığı Elektron resept sisteminin və mobil tətbiqin, eləcə də “Təqib və izləmə sistemi”nin təqdimatı keçirilir: “Hər iki informasiya sistemi əczaçılıq sektorunun rəqəmsallaşdırılması tədbirləri çərçivəsində “Dərman vasitələri haqqında” qanuna edilən əlavə və dəyişikliklərə uyğun olaraq hazırlanıb. Perspektivdə göstərilən dövlət xidmətlərindən məmnunluğun artırılması və keyfiyyətli tibbi xidmətlərin təmin edilməsi məqsədilə səhiyyənin rəqəmsal transformasiyası tədbirləri davam etdiriləcək”.

Səhiyyə nazirinin müşaviri Rüfət Hacıəlibəyov vurğulayıb ki, səhiyyənin rəqəmsallaşdırılmasının əsas məqsədlərindən biri tibbi məlumatların müalicə zamanı qərar qəbuletmə prosesinə inteqrasiyasını təmin edərək onları vahid səhiyyə informasiya sistemində mərkəzləşdirəcək: “Bu da öz növbəsində tibb işçiləri tərəfindən göstərilən xidmətlərin keyfiyyətinin artırılması, eyni zamanda məlumatlara maneəsiz çıxışın təmin edilməsidir. Rəqəmsal səhiyyə strategiyasının reallaşması ölkəmizdə müasir texnologiyaları və innovasiyaları dəstəkləyən rəqəmsal səhiyyə ekosistemini formalaşdıracaq. Bu, əhalinin sağlamlığının qorunması, sağlam həyat tərzinin tətbiqi, xəstəliklərin qarşısının alınmasında qabaqlayıcı texnologiyaların istifadəsi, hər bir vətəndaşın ehtiyacına uyğun yüksək keyfiyyətli səhiyyə xidmətlərinə əlçatanlığın artırılmasına imkan yaradacaq”.

Tədbirdə həmçinin “TCHealth Information Technologies Ltd” (Türkiyə) şirkətinin məsləhətçisi Yusuf İzzet Akay və Səhiyyə Nazirliyin e-resept layihəsi üzrə baş məsləhətci Üzeyir Qurbanlı təqdimatla çıxış ediblər. Tədbir çərçivəsində rəqəmsal səhiyyə və “E-resept”ə dair videoçarxlar nümayiş olunub.

Elektron resept sistemi həkim, pasiyent və əczaçılar üçün bir platforma üzərindən reseptlərin idarə olunması məqsədilə hazırlanan bir sistemdir. Eyni zamanda E-resept vətəndaşların tibbi məlumatlarına əlçatanlığını, tibb mütəxəssislərinin daha effektiv xidmət göstərməsini təmin edir.
Report

spot_imgspot_img

Oxşar xəbərlər

Signal Siri və Gemini-nin söhbətləri ələ keçirməsinin qarşısını alır

Signal iOS və Android-də süni intellekt köməkçilərinin söhbətləri oxumasının qarşısını alan yeni funksiyalar tətbiq edir.

Architect Labs süni intellektlə tam dizayn edilən Frostbite prosessorunu təqdim etdi

Architect Labs süni intellekt tərəfindən sıfırdan dizayn edilən Frostbite prosessorunu təqdim edib, lakin məhsuldarlıq rəqəmləri hələ fiziki çip üzərində təsdiqlənməyib.

Bitcoin-in kvant təhlükəsizliyi problemi körpülərə və milyonlarla coin-ə də aiddir

Leo Fan bildirir ki, kvant kompüterlər hələ Bitcoin şəbəkəsini poza bilməsə də, şəbəkənin yenilənməsi və milyonlarla coin-in köçürülməsi gözləniləndən uzun çəkə bilər.

BVF rəhbəri: süni intellekt orta müddətli iqtisadi artımın əsas amilinə çevrilir

BVF rəhbəri Kristalina Georgiyeva süni intellektin orta müddətli iqtisadi artımın əsas amilinə çevrildiyini bəyan edib, eyni zamanda enerji və inflyasiya risklərini vurğulayıb.

Claude Code 96 KB-lıq fayla bütöv şəhəri sığdırdı

Claude Code ilə hazırlanan Atlantis layihəsi içində uçaraq gəzmək mümkün olan şəhəri 96 KB-lıq tək HTML faylına sığdırır.
spot_img