Azərbaycan Mərkəzi Bankının (AMB) Ödəniş sistemləri və məhsullarının inklüzivliyi departamentinin direktor müavini Ramil Mahmudov bildirib ki, AMB yaratdığı ödəniş məhsullarının, həmçinin Azərbaycan fintexləri və banklarının təqdim etdiyi xidmətlərin digər ölkələrdə də aktiv şəkildə istifadə olunmasını istəyir. Bu istiqamətdə işlər aparılır.
Beynəlxalq inteqrasiya
Ramil Mahmudov qeyd edib ki, hədəf yalnız daxili bazarın inkişafı ilə məhdudlaşmır. Məqsəd həm də AMB-nin maliyyə xidməti göstərən qurumlarının xarici bazarlara çıxışını və beynəlxalq fəaliyyətini dəstəkləməkdir. Bu, fintex ekosisteminin genişlənməsinə təkan verəcək.
Mənbə: banker.az
