ABŞ Prezidenti Donald Trampdan yeni kripto fərmanı


ABŞ Prezidenti Donald Tramp administrasiyasını “rəqəmsal aktiv ehtiyatı” yaratmağa istiqamətləndirən fərman imzaladı.

ABŞ Prezidenti Donald Tramp, administrasiyasını “rəqəmsal aktiv ehtiyatı” yaratmağa yönəldən fərman imzaladı. Kripto sahəsində böyük maraqla gözlənilən bu fərman, sektorun ABŞ-da daha möhkəm bir əsas üzərində inkişaf etməsi üçün dost yanaşmalar formalaşdırmağı təşviq edə bilər.

ABŞ-da rəqəmsal aktivlər sektoru, illərdir federal səlahiyyətlilərlə məhkəmə mübarizəsi aparır. Prezident Trampın fərmanı isə rəqəmsal aktivlərin ABŞ-da Ağ Ev tərəfindən müəyyən edilən daha əlverişli bir çərçivə daxilində inkişafını təmin edə bilər. Bu mənada Donald Trampın ilk addımı atması diqqətəlayiqdir.

Fərmanın ABŞ-da proqram təminatı inkişaf etdirənləri, kripto madənçiləri və ya doğrulayıcıları, eləcə də “qanuni məqsədlər üçün” əməliyyat aparan şəxsləri təzyiqdən qoruyacağı gözlənilir. Fərman çərçivəsində kripto ilə əlaqədar bir işçi qrupu yaradılıb. Bu işçi qrupu, Trampın kripto və süni intellekt üzrə məsul şəxsi kimi tanınan investor David Sacks-in rəhbərliyi altında fəaliyyət göstərəcək. Qrupda müxtəlif Kabinet nümayəndələri, Qiymətli Kağızlar və Birja Komissiyası, Əmtəə Fyuçers Ticarət Komissiyası rəhbərləri və digər Ağ Ev rəsmiləri iştirak edir.

Fərman, birbaşa olaraq strateji bitcoin ehtiyatı yaratmır. Lakin işçi qrupunu “milli rəqəmsal aktiv ehtiyatının yaradılması və idarə olunmasını potensial olaraq dəyərləndirməyə” istiqamətləndirir. İşçi qrupunun 30 gün ərzində hazırkı kripto ilə əlaqəli bütün tənzimləmələri müəyyənləşdirməsi, 60 gün ərzində bu tənzimləmələrin dəyişdirilməsi və ya ləğvini təklif etməsi, 180 gün ərzində isə yeni təkliflər ilə bir hesabat təqdim etməsi tələb olunur.

Donald Trampın fərmanı, həmçinin ABŞ-ın Mərkəzi Bankı rəqəmsal valyutası üzərində iş aparılmasını qadağan edir. Bu çərçivədə Tramp administrasiyasının nəzarətində olan qurumlara ABŞ-ın yurisdiksiyası daxilində və ya xaricdə Mərkəzi Bank rəqəmsal valyutalarını yaratmaq, buraxmaq və ya təşviq etmək qadağan olunub.

Həmçinin, fərmanın sabiq Prezident Co Baydenin 2022-ci ildə kripto ilə bağlı imzaladığı fərmanı ləğv etdiyini də qeyd etmək lazımdır. Bu fərmanla yanaşı, Xəzinə Nazirliyinə də həmin fərmandan qaynaqlanan rəqəmsal aktiv çərçivəsini ləğv etməyə göstəriş verilib.

spot_imgspot_img

Oxşar xəbərlər

“Azərbaycan Fintex Assosiasiyası” bazarın inkişafı üçün təkliflər irəli sürüb

Azərbaycanın maliyyə bazarında innovativ inkişafın davamlı olması, "sandbox" rejimi...

Azərbaycan startapları Avropa İnkişaf və Yenidənqurma Bankının Star Venture proqramına seçilib

Avropa Yenidənqurma və İnkişaf Bankı (EBRD) Azərbaycan və Gürcüstandan...

Shopify ABŞ ticarət qaydalarına qarşı çıxıb

Kanadada yerləşən və dünyanın ən iri onlayn satış platformalarından...

Şayiə: m10 2025-ci ildə yeni ödəniş kartını təqdim edəcək?

Təsdiqlənməmiş məlumatlara görə, M10 müştəri ilə telefon danışığı zamanı...

PAŞA Holding-in “Bir” ekosistemi təqdim olundu – Yeni bir dövrün başlanğıcı

"Bir" ekosistemi "Birbank", "m10", "MilliÖn", "Umico.az" və holdinqin birgə...
spot_img